euskalkultura.eus

Bilbao, Bizkaia. 'Sisifo maite minez' elaberriaren neerlanderazko itzulpenaren aurkezpen ekitaldiak Holandako eta inguruetako literaturzale eta idazle multzo polita bildu zuen Amsterdameko Perdu literatur fundaziora, Zirimiri Press argitaletxeak deituta, iragan larunbatean.

Laura Mintegi idazlea bertan zen, Aitziber Renteria psikologoarekin solasean maiteminari buruzko lan honen nondik-norakoak kontatzeko prest. "Sorpresa handia eta polita izan zen ikustea zenbat jende etorri zen propio Holanda iparraldetik eta Belgikatik", aitortu dio idazleak EuskalKultura.com-i.

Frisiarrak eta Euskal PEN Club-a

Holanda iparraldean dagoen Frisia herrialdetik etorritako idazleek interes handiarekin jarraitu zuten aurkezpenaren bigarren zatia ere, Mintegik Euskal PEN-Club idazle elkarteari buruz eman zituen azalpenak, alegia. "Hitzaldia elkarrizketa oso bizia izan zen, parte hartze handiarekin. Idazle frisioek ardura berezia dute horrelako gaietan, sentsibilitate nazioanalagatik", esan du Mintegik.

[Laura Mintegi idazlea eta Aitziber Renteria sikologoa aurkezpenean (Zirimiri Press)]

Musika eta literatura

Ekitaldia Marcel Plaatsman aurkezlearen sarrera batekin hasi zen eta ondoren Mintegik eta Aitziber Renteriak eleberriari buruzko solasaldi/elkarrizketa egin zuten. Ondoren Amsterdamen bizi den Maite Larburu bibolinjoleak, berak idatzitako bi kantu abestu zituen, bata ingelesez eta euskaraz bestea. Euskal Pen-Clubari buruzko hitzaldiaren ostean luze aritu zen Mintegi 'Sisifo maite minez' edizio holandarraren aleak sinatzen. 

[Maite Larburu bibonlijolea kantari izan zen Perdu fundazioan egin zen ekitaldian (argazkia Zirimiri Press)]

Belgikan ere salgai

Liburuak interesa piztu duela baieztatu dio EuskalKultura.com-i Zirimiri Press-eko Henrike Olasolok, Holandatik kanpo ere. Datozen asteetan Belgikan ere salgai izango da liburua (Belgikako Flandria eskualdearen hizkuntza neerlandera da). "Belgikako The Standard liburudenda kate garrantzitsuak liburuaren 350 ale eskatu ditu. Horrek ez du esan nahi salduta daudenik, baina horrelako kate batek interesa agertzea eta salgarri direla eriztea inportantea dela uste dugu", azaldu du Olasolok.

-Argazki bilduma, Zirimiri Press argitaletxearen Facebook orrian, hemen