Bartzelonako taldeak irabazi zuen 2013ko Euskal Etxeen Mus Txapelketa Valladoliden

2013/05/24

Bartzelonako ordezkaritza txapelketako sari baneketa ekitaldian, garaipena ospatzen (argazkia ValladolidEE)

PUBLIZITATEA

Valladolideko Gure Txoko Euskal Etxeak antolatu zuen iragan maiatzaren 11 eta 12an egin zen estatu espainiarreko Euskal Etxeen 2013ko Mus Txapelketa. Bartzelonako ordezkariak, Norberto Rodriguez eta Andres Fernandez, izan ziren garaileak eta, horrenbestez, Txilen egingo den Munduko Euskal Gizataldeen Mus Txapelketan parte hartuko dute. Bestalde, igandean Valladoliden egin zen ere estatuko euskal etxeen federazioaren urteroko bilkura. Bertan aipatu ziren gaien artean, aurtengo diru-laguntzek izan ditzaketen murrizketak eta datozen ekitaldi eta egitasmoak.

Valladolid, Espainia. Maiatzaren 11n eta 12an egin zen Valladoliden espainiar estatuko euskal etxeen 2013ko Mus Txapelketa eta, horrekin batera, baita euskal etxeen federazioaren urteroko bilkura ere. Valladolideko Gure Txoko izan zen antolatzailea, elkarte honetako muslariak izan zirelako iazko txapelketaren garaileak.

Aurtengo txapelketa larunbatean eta igande goizean jokatu zen eta Bartzelonako bikoa izan zen garaile: Norberto Rodriguez eta Andres Fernandez. Txapelketa amaitzeko lagunarteko bazkaria egin zen igandean Gure Txokon. Menuko izarra, Euskal Herrian tradizio handia duen platerra izan zen: esneko arkumea, elkarteak aditzera eman duenez.

Federazioaren bilera

Bestalde, igande goizez espainiar estatu euskal etxeen federazioaren urteroko bilera egin zen Gure Txokon. Bertan hizpide izan zituzten gaien artean, honakoak izan ziren: aurtengo diru-laguntzek izan ditzaketen murrizketak, 2012ko kontuak eta 2013ko aurrekontua onartzea, Txilen egingo den 2013ko Mus Txapelketa eta federazioaren hurrengo ekimenak.

Valladolideko euskal etxeko idazkari Jokin Oncaladak EuskalKultura.com-i adierazi dionez, "azpimarragarria da asteburu osoan izan dugun giro ona, bertan egin diren ekitaldietan parte hartu dugun guztion artean".

Azken komentarioak

Elkarriketa galdea
Jose Luis aipzuru
Hendaia
2024/11/15
FET
Benoît Etcheverry
Baiona
2024/07/18
Zorionak eta aurrera!
Oskar de Goitia-Durana
São Paulo, Brasil
2024/05/01
La Platan Eguzkipean
Sonia Oceja
Durango
2024/02/16
Ederra!
Patxi Etxeberria
Donostia
2023/11/20

euskalkultura.eus

Albisteak

Bartzelonako taldeak irabazi zuen 2013ko Euskal Etxeen Mus Txapelketa Valladoliden

Erlazionatutakoak

Irakurrienak

Azken komentarioak