Lima, Peru. Limako Zinemaldiaren 22. edizioa abuztuaren 3tik 11ra egingo da Peruko hiriburuan eta jatorri askotako berrehundik gora izenburu eskainiko ditu. Euskal zinea ere iritsiko da aurten lehenengo aldiz nazioarteko ekitaldira, Limako Euskal Etxeak egin duen slekzio batetik abiatuta. Bertako euskara irakasle Xabi Gil iruñarrak jakinarazi digunez, hiru pelikula proiektatzeko ardura hartuko du euskal etxeak, bi euskal kulturarekin lotura dutenak, eta hirugarrena, Hego Amerikako ekoizpen bat, kolonbiar-venezuelar-argentinarra hain zuzen.
Saioak Euskal Etxean bertan emango dira, Malecón de la Reserva etorbideko 297. zenbakian, honako egitarauarekin:
-Abuztuaren 6an, iluntzeko 7etan, Ciro Guerra-ren “El abrazo de la serpiente” (Kolonbia-Venezuela-Argentina)
-Abuztuaren 8an, iluntzeko 7etan, Montxo Armendarizen “Obaba” (Euskal Herria)
-Abuztuaren 10ean, iluntzeko 7etan, Alex de la Iglesiaren “Mi gran noche” (Euskal Herria)
Filmak pantailaratu ostean, solasa eta eztabaida sustatuko da ikusitakoaren inguruan. Bertan afaltzeko aukera ere izango dute bildutakoek.
Informazio gehiago, hemen.
Lagun bati bidali
Komentarioa gehitu
