euskalkultura.eus

Asuncion, Paraguai. Paraguaiko hiriburuak Euskal Aste bat hartuko du bihartik aurrera, euskal etxeak antolatuta hirugarrengoz. Aurtengo euskal astea egitarau oparoarekin dator; besteak beste, hitzaldiak, liburu aurkezpenak, kantaldiak eta zine emanaldiak egingo baitira. Zineari dagokionez, aipagarria da lan gehienak euskaraz emango direla, gaztelaniazko azpitituluekin. Jesus Nazabalek Euskal Herriari buruz emango duen hitzaldiak abiatuko du programa bihar. Hauxe da egitaraua:

Urriaren 22an, Asteartea

-19:30: Euskal Astearen aurkezpena eta egitarauaren aurkezpena, Euskal Etxeko eta UniNorteko zuzendaritzaren eskutik. Horren ondotik:

-Euskal Herriari buruzko hitzaldia, Jesus Nazabal hizlari
-Kimuak saileko film laburren emanaldia (nazioarteko hainbat zinemaldietan sarituak)
-Film laburrei buruzko solasaldia
-Brindisa

Urriaren 23a, Asteazkena

-19:30: 'Bertsolari' (2012, 90'); bertsolaritzari buruzko dokumentala, Asier Altunak zuzendua eta Diasporan ere grabatua
-Dokumentalari buruzko solasaldia
-(Universidad del Norte-ko Graduondoko Ikasketen Fakultateko Areto Nagusian)

Urriaren 24a, Osteguna

-19:00: 'Franciscanos Vascos en Paraguay, un estudio antropológico' liburua aurkeztuko du Jone Luna Miranda ikerlariak. Argitaletxea: Centro de Estudios Antropológicos de la Universidad Católica de Asunción (CEADUC). Aurkezle, aita José Salas
-19:30: 'El método Arrieta' (2013, 82') dokumentalaren emanaldia. Jorge Gil Munarrizek zuzendua, gurpildun aulkian bizi diren bi ahizpa donostiarrek, garuneko paralisia izan arren elkarrekin eta munduarekin harremantzeko asmatu zuten komunikazio metodoari buruzko lana.
-(Universidad del Norte-ko Graduondoko Ikasketen Fakultateko Areto Nagusian)

Urriaren 25a, Ostirala

-19:30: 'Gazta zati bat' (2012, 90') dokumentala, Jon Maiak zuzendua, euskal gatazkari buruzkoa
-Filmari buruzko berbaldia
-Romina Alegre kantariaren partehartzearekin

Bestalde, euskal etxeko iturriek gogorarazi nahi izan dute elkarteko euskal dantza eta euskara ikastaroak abian direla. Dantza eskolak ostiraletan izaten dira, 18:30tan, Izar Nazabal irakaslearekin; euskara eskolak, aldiz, asteazkenetan ematen ditu Jesus Nazabalek, 18;30tan.

Orobat, elkartearen egoitzan (Estrella 451, hirugarren solairua, 27/28 bulegoa) salgai dira euskal-paraguaiar gaiei buruzko honako liburuak:

-"Apellidos Vascos usuales en el Paraguay", Hernan Zubizarreta
-"Los Garay en la Cultura Paraguaya", Raul Amaral
-"Domingo de Irala y su entorno en la Villa de Bergara", Miguel Angel Elkoroberezibar

Edozein galdera izanez gero, jarri harremanetan Dayanekin (elkarteko idazkariarekin), astelehenetik ostiralera (9:00tatik 17:00tara) 021495868 telefonoan edo e-mailez, euskalejasone@ymail.com helbidean.