euskalkultura.eus

Asteburu honetan NABOk, Ipar Amerikako Euskal Etxeen Federazioak, bere urteroko Biltzar Nagusia egingo du Kaliforniako Chino hirian, Southern California Basque Club elkarteak antolatuta. Aldi berean euskal etxe kaliforniarrak bere 70. Euskal Piknika egin eta urteurrena ospatuko du. Asteburuan zehar euskal giro aparta izango da Chino aldean. Hona egitaraua.

Chino, AEB. Aste bete samarra da honakoa Estatu Batuetan euskal festa eta elkarretaratzeei dagokienez, Washington hiriburuan Smithonian Folklife Festival delakoa asteazkenean hasi bazen ere --helduden astelehena arte segitzeko lehenengo fase honetan--, Kaliforniako Chinon asteburu honetan egingo baita Southern California Basque Club euskal etxearen 70. urteurreneko besta eta 2016ko NABO Biltzar Nagusi edo komentzionea (agendak Elkoko ohiko 'Basque National Festival' ere markatzen du asteburu honetara).

Chinoko ospakizunari buruz, baina, webgune erabilgarria muntatu du Southern California Basque Club-k, bertako ekitaldiko xehetasunak, partaideak, programa, film eta omenaldia eta gainerakoak bilduta.

-Hori guztia hemen atxeman daiteke: http://socalbasqueclub.com/NABO