'Ascuaga' abizena arrakastaren sinonimoa da Nevadan, Nugget Kasinoaren jabe den John Ascuagaren eskutik

Idahoko KIVI-TV telebistak John Ascuaga euskal amerikarraren istorioa bildu du bere webgunera, Nevadako enpresari arrakastatsu honen bizitzari buruzko bideo erreportaia sareratuz. Bertan Orozkoko euskal emigranteen seme honen biografia errepasatzen da: Notuseko arrantxuko haurtzarotik Reno-Sparkseko Nugget kasinoa handien artean kokatzeraino. 'Sekula ez nuen ezetzik onartu erantzun bezala', horrela laburbiltzen du Ascuagak bere karrera arrakastatsua.

John Ascuaga AEBtako euskal komunitateko enpresa gizon ezaguna da, iparamerikarrei hainbeste gustatzen zaien self made man horietako bat. 1925ean jaio zen Idahoko Notus herriskan, Orozkotik etorritako Jose eta Maria Ascuagaren hirugarren semea. Haurtzaroa familiaren arrantxuan igaro zuen, gurasoei bertako lanetan laguntzen, Idahoko Unibertsitatera ikastera joan zen arte.

1.954ean makina txanponjaleak debekatu zituzten Idahon eta negozioak Renora aldegingo zuela pentsatuz Ascuaga 1.955ean lehendabiziko Nugget-ean sartu zen Sparksen, emazte euskalduna zeukan Dick Gravesekin esku eskuin. Denborarekin hari negozioa erosi zion, pixkanaka egungo John Ascuaga's Nugget Casino famatua osatzen joan arte.

Zortzi jatetxe --'Orozko' delakoa horietarik bat--, milaka gela hainbat hotel eta moteletan banatuak, arrantxuak, 'Basque' ogia egunero egiten duen olindegia... Sparks-eko lehenengo enpleguemailea bilakatu dute Nugget-a. Michonne alabak eta Stephen semeak berarekin egiten dute lan bertan eta negozioaren izenean Ascuaga abizena egotea gogor defendatzen dute, momenturen batean inori ahoskatzen zaila iruditu bazaio ere: 'Ascuaga gure nortasuna da'. Nevadan arrakastaren sinonimo bihurtu den abizena da. Bideoa Ascuaga eta Nugget-en historiarekin, hemen.

Lotura interesgarriak

Gambling Man
John Ascuagari buruzko bideoa www.kivitv.com-en

John Ascuagari elkarrizketa (audio), Joseba Etxarrik egina
Nevadako Unibertsitateko Oral History Project barruan

euskalkultura.eus

Albisteak

'Ascuaga' abizena arrakastaren sinonimoa da Nevadan, Nugget Kasinoaren jabe den John Ascuagaren eskutik

Irakurrienak

Azken komentarioak