La Plata, Argentina. Artikuluren bat al daukazu euskal kultura, euskal etxeak edo euskaldunak hizpide hartzen dituena? Edo euskal gairen bat al daukazu buruan bueltaka artikuluren bat idazteko moduan? Hau izan daiteke zure aukera, La Platako Euzko Etxeak kudeatzen duen Eguzkia aldizkariak deia luzatu baitu, norbaitek intereseko artikulurik balu edo idazteko prest balego, eurekin harremanetan sar dadin, abuztuaren 11a ipini dutela horretarako epe muga. Artikuluak normalean gaztelaniaz badira ere, euskaraz edo gaztelaniaz izan daitezke.
Gaiak asko eta desberdinak izan daitezke, izan ere edozein izan daiteke, nolabaiteko konexioren bat badauka Euskal Herriarekin, bere diasporarekin edo euskaldunekin eta euskal kultura eta euskal ekimenekin oro har. Abuztuaren 11ean bidali beharko litzateke Eguzkia-ra, baina dena den egokiena, galderak zuzenean argitaratzaileei egitea da, eguzkia@cvascolaplata.org.ar helbidera idatziz.
Hona artikuluek bete behar dituzten baldintzak, aldizkariaren azkeneko aleak bildu bezala.
Lagun bati bidali
Komentarioa gehitu
