La Plata, Argentina. Asmo horrekin hitzarmena sinatu dute La Platako Euzko Etxeak eta ‘Flechas del Plata’ izeneko elkarteak, euskal elkarteak Los Porteños herrian daukan lur eremua erabiltzen utziko dielarik kirol elkarteko kideei, bertan entrenamenduak, txapelketak eta bestelako ekintzak egin ahal izan ditzaten. Aldi berean, kirol elkarteak Arku Tiraketa sustatuko du euskal etxeko kideen artean eta ikasteko eta praktikatzeko bidea emango die 11 urtetik gorako gazteei zein helduei, adin mugarik gabe.
Euskal Etxetik adierazi zaio EuskalKultura.com-i garrantzi handikotzat jotzen dutela kirol berri hau euren kirol eskaintzan sartzea, finean “gizateriaren jarduera zaharrenetako bat delako, hasieran biziraupena bermatzeko eta geroago joko olinpiko gisa”.
‘Flechas del Plata’ elkartea irabazi-asmorik gabeko elkarte bat da, Arku Tiroketa irakatsi, garatu eta zabaltzeko helburuz sortua. Informazio gehiago, secretaria@cvascolaplata.org.ar helbidera idatziz.
Lagun bati bidali
Komentarioa gehitu
