Boise, Idaho, AEB. Urtebete inguru falta da Boiseko 2025 Jaialdirako eta egitaraua itxi samarra dago dagoeneko. Emeki emeki urratsak ematen joan dira, hiriburu idahotarrean uztailaren 29tik abuztuaren 3ra egingo den Jaialdi 2025 euskal festa erraldoiari begira. Eta lanean segituko dute gogor, geratzen diren ia hamabi hilabeteetan. Antolatzaileek baieztatu dute dagoeneko —hautaketa prozesu luze baten ondotik— zeintzuk izango diren Euskal Herritik etorrita parte hartuko duten euskal artista gonbidatuak, bertako euskal artista eta taldeekin batera programa zinez erakargarria osatuz. Hauek dira:
- Añorgako Arkaitz dantza taldea (Arkaitz-en erreferentzia Jaialdiren webgunean)
- Gernika aldeko Gatibu musika talde famatua (Gatibu, Jaialdiren webgunean)
- Neskek osatutako Neomak kantu eta perkusio taldea (Neomak, Jaialdiren webgunean)
- Tio Teronen Semeak dantza, txalaparta eta umore taldea (Tio Teronen Semeak, Jaialdi webgunean)
- Xabi Unzurrunzaga zarauztar trikitilaria (Xabi Unzurrunzaga, Jaialdiren webgunean)
Laister hasiko dira ateratzen EHan Boisera bidaiazeko 'paketeak' (irailean aipatuko ditugu). Zeure kasa bertaratu nahi baduzu, erne ibili beharko zenuke eta ez gehiago geroratu
Herri kirolak ere zati garrantzitsua dira Jaialdin. Pilota eta herri kirolen atalean Euskal Herritik parte hartuko dutenen izenak, zerrenda ixten denean adieraziko dizkizugu. Eta Estatu Batuetako euskal etxeetatik parte hartuko duten musika, dantza eta bestelako taldeen zerrenda ixten ari direlarik, hemen ere adieraziko dizkizugu antolatzaileek behin-betiko zerrenda pasatzen dutenean.
Hona Jaialdi internet eta sare sozialetan:
- Jaialdiren webgunea: www.jaialdi.com
- Jaialdi Facebooken: https://www.facebook.com/JaialdiBoise
- Jaialdi Xen: https://x.com/jaialdi_boise
- Jaialdi Instagramen: https://www.instagram.com/jaialdi_boise
(ikus bideoen ostean Jaialdi 2025eko behin-behineko egitaraua gaurko egunez)
Arkaitz: taldeari buruzko bideoa añorgatarrek 90 urte bete zituela-eta
Gatibu: banda gernikarraren 'Ezin disimulatu' pieza
Neumak: taldearen 'Hor gaude' pieza
Tio Teronen Semeak: emanaldiak Edinburgon, 'Freshcool' ikuskizuneko laburpena
Xabi Aburruzaga: 'Maurizia - Aurrez Aurre', pieza, Maurizia Aldeiturriaga gogoan
Hona Jaialdi 2025eko behin-behineko egitaraua:
Lagun bati bidali
Komentarioa gehitu
