euskalkultura.eus

Albisteak

Argia astekariaren Sareko Argia bertsio digitala berritu dute, ikusentzuteko eduki multimediak gehituz

2007/02/26

Joan den ostiraletik hona Argia astekariaren edizio digitala, Sareko Argia, eduki berriekin jantzia dator. Berrikuntza aspaldion internet munduan bolo-bolo dabilen web 2.0 izendapenaren eskutik datoz, erabiltzaileen parte hartzea indartuz eta multimedia edukiei leku gehiago emanez. Ohiko informazioaz gain (berriak, erreportaiak edota elkarrizketak), bideoak eta musika entzuteko loturak dakartza orain webguneak.

1977. urtean Argia astekaria sareratzeko erabakia hartu zuten bere arduradunek, eta hasieran edizio digitalaren oinarrian aldizkariaren edukiak bazeuden ere, gutxinaka eduki propioak gehitzen joan zaizkio: loturak, Euskal Kulturaren Aurkibidea, Hari@... Internetek dakartzan etengabeko berrikuntzen ildotik, webgunean aldaketa eta hobekuntza dexente jarri dituzte azken egunotan. 'Webgunea oso estatikoa zen eta interakzioa izateko aukera gutxi eskaintzen zituen. Gainera, urteak pasa ahala sarearen teknologia asko hobetu da eta horretaz baliatu gara', azaldu dute Argia.com-eko arduradunek.

Argia.com web orrialdean egindako azken aldaketa hauei esker, erabiltzaileek artikuluei buruzko iritziak emateko aukera izango dute, berri interesgarriak lagunei bidaltzeko edo www.zabaldu.com web gunera berbidaltzeko. Sareko Argiaren hobekuntza hau interneteko azken iraultza omen den Web 2.0 kontzeptuaren haritik dator, erabiltzaileen parte hartzea bultzatu eta teknologia multimedien erabilera indartu asmoz.

Lotura interesgarriak

Argia.com
www.argia.com

Sareko Argia webgunean argitaratuko elkarrizketen mp3-a
EuskalKultura.com-en argitaratua 2006ko apirilaren 22an

---

---

Irakurrienak

• 2024/10/28
  Iribarne-Ratto Juningo bikote argentinarra garaile Cuscon Euskal Gizataldeen 45. Munduko Mus Txapelketan
• 2024/10/24
  Valladolideko Gure Txokok euskal irudi ederrak utzi zizkien bertako herritarrei 2024ko Euskal Festaren ospakizunean
• 2024/10/28
  Amale Artetxe Katedra: mintegia zabalduko dute ostegunean Basterretxeaz Buenos Airesen, doan eta entzule orori irekia
• 2024/10/25
  2024ko Munduko Mus Txapelketa: kitxuak eta euskarak bat egin dute muslariek Machu Pichura egindako bisitan
• 2024/10/30
  San Nicolas: Koru topaketa arrakastatsu baten anfitrioi izan ostean, Errekatarrak Euskal Astean kantatzeko prestatzen ari

Azken komentarioak