euskalkultura.eus

Bahia Blanca, Argentina. Aurten bere 125. urteurrena ospatzen ari den 'Union Vasca' Bahia Blancako Euskal Etxea da 2024ko Argentinako Euskal Aste Nazionalaren antolatzailea eta adierazi berria du azaroaren 9tik 17ra bitartean ostatatuko duen ekitaldi honen programaren bertsio "osatu eta behin betikoa". Jakina denez Euskal Aste Nazionala Argentinako euskal komunitateak urtero eratzen duen hitzordu nagusiena da, FEVA edo 'Euskal Argentinar Bazkunen Alkartasun'eko euskal etxeetako baten ardurapean. Hona programa:

Azaroaren 9an, larunbata
- 11:00etan: Euskal Aste Nazionalaren inaugurazioa. Hasierako hitzak eta Soka dantza. Pilota erakustaldia Unión Vascako pilotalekuan. Pilota eskola, pilota egokitua, emakumezkoena eta elitekoa.
- 20:00etan: Dastaketa afaria lau urratsetan Unión Vascako Txokoan

Azaroaren 11an, astelehena
- 18:00etan: Pintura eta Jantzi tradizionalen Erakusketa Unión Vascako “Andoni Irazusta” Aretoan
- 19:00etan: “125 urte” Mus txapelketa Unión Vascako “Andoni Irazusta” Aretoan

Azaroaren 12an, asteartea 
- 18:00etan: Pintura eta Jantzi tradizionalen Erakusketa Unión Vascako “Andoni Irazusta” Aretoan
- 19:00etan: “125 urte” Mus txapelketaren finala Unión Vascako “Andoni Irazusta” Aretoan

Azaroaren 13an, asteazkena 
- 19:00etan: Bertako “Beti Aurrera” dantza taldearen emanaldi artistikoa, Unión Vascako “Andoni Irazusta” Aretoan
- 21:30ean: Pintxo pote tradizionala zein gourmeta Unión Vascako Txokoan

Azaroaren 14an, osteguna 
- 19:00etan: Hitzaldi historikoa Iñaki Iturainen eskutik ‘Gipuzkoako kostaldeko herri txiki batetik Euskal Herrira, zazpi urratsetan’
- 20:00etan: Sagardotegi afaria Unión Vascako “Andoni Irazusta” Aretoan

Azaroaren 15ean, ostirala: 
- 08:00etan: Harrera ordezkaritzei eta gosaria Unión Vascako Txokoan
- 12:30ean: Bazkaria. Salón de los Deportes ohian, Soler 444
- 14:30ean: Zinema euskaraz: “Badago ala ez dago?” Unión Vascako Barandiaran Liburutegian
- 16:00etan: Mintzodromoa, jolasak eta mintza euskaraz Unión Vascako Barandiaran Liburutegian
- 17.00etan: Dantza tailerra Parque Boronaten
- 17:30ean: Abesbatzen errezitaldia San Luis Gonzaga Elizan
- 19:00etan: Korrontzi taldearen emanaldia Parque Boronaten
- 21:00etan: Afaria eta Erromeria Unión Vascan

Azaroaren 16an, larunbata: 
- 08:00etan: Harrera ordezkaritzei eta gosaria Unión Vascako Txokoan
- 10:00etan: FEVA Bilera, EITB partaide eta Ander Caballero Barturenen hitzaldia 
- 10:00etan: Bilerak: Liburuzainak, musikariak eta abesbatzak Unión Vascan
- 10:00etan: Mintzodromoa, jolasak eta mintza euskaraz Unión Vascako “Andoni Irazusta” Aretoan
- 10:00etan: Haurrentzako tailerra, pilotalekuan
- 12:00etan: Dantza zuzendarien bilera Unión Vascako Txokoan
- 13:00etan: Bazkaria. Salón de los Deportes ohian, Soler 444
- 15:00etan: Hitzaldia 'Euskal Herriko egungo egoera' Bahía Blancako Udaletxeko Areto Zurian (Alsina kalean 65ean)
- 17:00etan: Kalejira eta danborrada Unión Vascatik Udal Antzokiko harmailadiraino
- 19:00etan: Emanaldi artistikoa Udal Antzokian, Alsina 425
- 22:00etan: Afaria eta Erromeria Unión Vascan

Azaroaren 17an, igandea 
- 10:30etan: Euskal Astearen bedeinkapena Rivadavia Plazan
- 11:00etan: Dantza erakustaldia Rivadavia Plazan
- 13:00etan: Euskal Aste Nazionalaren Azken Agur bazkaria, Korrontzi, Xabi Aburruzaga eta FEVAko musikariak oholtzan, Bahía Blancako Merkataritza Enplegatuen Elkarteko Polikiroldegiko Borlenghi Aretoan