euskalkultura.eus

Euren onena koreografietan, arropetan eta, nola ez, jarreran. Publikoak eskertzen du euskal kultura zabaltzen dantzariek egiten duten lana eta hori txalo beroen bidez islatu zuen  ikuskizunean zehar. Necocheako 2016ko Euskal Argentinar Aste Nazionalari eskainitako artikulu sortako gaurko atalean, larunbateko Galako bigarren zatiari dagokion argazki eta irudi sorta.

Necochea, Argentina. Euskal argentinar diasporaren ekitaldi nagusiarekin jarraituz, Euskal Asteko larunbateko dantza ikuskizuneko bukaeraren berri eta irudiak emango ditugu gaur. Hogeita bost dantza taldek osatu zuten aurtengo dantzen programa eta guztien argazkiak konpartitu nahi ditugu gure irakurleekin.

Larunbat gauean, gainera, Euskal Herritik etorritako Patxi Perez eta Konpania eta Emon taldeek ere erromerietan jo zuten, Euskal Etxean. Eta Euskal Etxeko taberna eta instituzioko sukaldariak zinez lanpetuak ibili ziren, aurreko gauean bezala.

2016ko dantza ikuskizunaren amaieran, Necocheako dantzarien ‘Arin Arin’ eta ‘Kalejira’ (bideoak, EuskalKultura.com)

Patxi Perezekin inor ez zen geratu dantzatu gabe! (bideoa EuskalKultura.com)

Bihar emango dugu argitara 2016ko Necocheako Euskal Aste Nazionalari buruzko kronika sortako azkena.