Vitoria-Gasteiz,Araba. Arabako Foru Aldundiko Kultura eta Kirol Sailak ‘Ernestina de Champourcin’ poesia-lehiaketaren 34. edizioan parte hartzeko deialdia zabaldu du. Lehiaketa nazioartekoa da eta helburu zehatzak ditu: euskarazko zein gaztelaniazko poesia sorkuntza bultzatzea, poeta berrien agerpena ahalbideratzea eta 27ko Belaunaldiko erreferente izan zen Ernestina de Champourcin (1905-1999) idazle gasteiztarrari omenaldia egitea.
Partehartzaileek 16 urte izan behar dituzte eta munduko edozein herrialdetatik bidali ahal dute euren lana. Idazle bakoitzak poema-sorta originala eta argitaragabea aurkeztuko du, gaia librea izango da, eta gutxienez 500 eta gehienez 700 bertsokoa. Euskarazko lanak jatorriz euskaraz sortuak beharko dute izan eta gaztelaniaz aurkezten direnak jatorriz gaztelaniaz idatzitakoak.
Azken epea, uztailaren 10a
Lanak aurkezteko epea 2024ko uztailaren 10ean amaituko da eta bi modutara helarazi ahal izango dira: telematikoki, esan nahi baita Arabako Foru Aldundiaren egoitza elektronikoan eskuragarri dagoen prozedura espezifikoaren bidez, ikus https://egoitza.araba.eus/es/-/certamen-de-poesiaernestina- de-Champourcín weborrian; edo aurrez aurre, Arabako Foru Aldundiko Erregistro Orokorrean. Euskarazko zein gaztelaniazko sariak 2.000 eurokoak izango da. Dena den, oinarriak euren osotasunean, hemen irakur daitezke.
Lagun bati bidali
Komentarioa gehitu
