euskalkultura.eus

Londres, Ingalaterra. Bere ekitaldi programa betearekin segitzen du Londresen, bertako London Basque Society-Euskal Elkarteak. Martxoan, Laburbira egitasmoko euskal film laburrak, Saint Patrick  Eguneko jaia eta, azkeneko larunbat honetan, Antton taldearen emanaldirako gonbiteak luzatu zituen, besteak beste.

Joan den asteburuko kontzertuari dagokionez, Antton taldea izan zen talde gonbidatua, aurretik talde bretainiar batek jardun ondoren. 'Gorantz erori' bere lehenengo lana aurkeztu zuen euskal elkartearen egoitza den Oxford House-ko oholtzan talde euskaldunak.

Apirilean, berriz, Londres prest dago, euskal musikari dagokionez, Berri Txarrak talde nafarraren bi kontzertu biltzeko. Apirilaren 21ean, Barfly Club-en izango da, Cancer Bats taldearekin batera, sarrerak agortuta daudela. Eta apirilaren 22an, bigarren emanaldi bat gehitu zaio, The Garage-n. 

[Antton taldearen kontzertua, joan den larunbat iluntzean Londresko Oxford House-n, London Basque Society-Euskal Elkarteak antolatuta (bideoa Euskal Elkartea)]

-'Gorantz erori jaisteko', hemen
-Antton taldearen webgunea: www.anttonmusika.com
-Berri Txarrak: www.berritxarrak.net
-Londresko Euskal Elkartea: www.zintzilik.org