euskalkultura.eus

Donostia-San Sebastian. Teknologia berrien mundua etengabeko berrikuntza lasterketa da eta euskararen alorreko hainbat aditu eta teknikari lanean ari dira Europako hizkuntzarik zaharrenak posturik gal ez dezan. Azken hilabeteetan plazaratu diren gailu eta sistema berrien artean arrakasta handia izan dute telefono mugikorrentzako hiztegiek, eta aldez aurretik aipatutakoez gain, beste hiru aurkeztu nahi ditugu gaur:

-Android mugikorrentzako Euskara/Gaztelania; Gaztelania/Euskara hiztegiak: arlo honetan bi hiztegi ditugu aipatzeko. Batetik, gure Euskara Hiztegia delakoa. Sareko datu-trafikoa saihesteko eta aurretik itzulitako hitzak konexiorik gabe ikusi ahal izateko, egindako itzulpenak gordetzen dituen memoria dauka. Bestetik, Euskalterm hiztegian kontsultak egiteko aplikazioa. Bost hizkuntzetan kontsulta daiteke: Euskara, Gaztelania, Ingelesa, Frantsesa eta Latina.

-Windows Phone 7-rako Euskara/Frantsesa; Frantsesa/Euskara Dico Basque Hiztegia. Windows Phone 7 sistema eragilea erabiltzen duten Smartphone-etan instala daiteke.

Beste hiztegi edo euskal software interesgarririk ezagutzen baduzue, kontaiguzue iruzkinetan!