Valladolid, Espainia. Valladolideko Gure Txoko Euskal Etxeak urtero antolatzen duen Euskal Jaia euskal festari ekin dio aurten ere, joan den asteburuan, Euskal Herriko talde partaide Bakioko Itxasalde dantza taldeko lagunak gonbidatuta eta ekitaldi publikoa eginez hiriko Plaza Nagusian, Euskal Herritik etorritako dantzariek euskal dantza emanaldia jendaurretu eta aurreskua dantzatu diotelarik Pucelako alkate Oscar Puenteri, ondoren txapela buruan eta lepoan zapia ipiniz lehenengo udal hautetsiari.
Hau da emanaldiko laburpena, euskal dantza ikuskizunarekin, eta alkateari txapela eta lepokoa jartzeko irudiak:
Euskal Jaia 2022 ekitaldia Valladolideko Plaza Nagusian (irudia Tribuna Valladolid)
Valladolideko Euskal Etxeak urtero antolatzen duen elkarretaratzea da bertako Euskal Jaia. Gure Txokoko lagunek jendaurrean antolatzen duten partekatze-agerraldi bat da, euren auzoei euskal kultura tradizionalaren alderdi edo agerpenen bat erakutsi —konparazio kirol, dantza, kantu... alorretan— eta elkarteari proiekzioa ematearren hiri mailan eta bertako erakunde eta komunikabideen aurrean.
Plaza Nagusian egindako erakustaldiaren ondoren, bertaratutakoak Gure Txokoren egoitzara bildu ziren senidetasun bazkari bat partekatzeko, egunari laguntasun eta kidetasun giro bereziko amaiera emanez; eta zer hobeto euskaldunen artean bertakoek prestatutako janari eta mokadu ederrei aprezioa egitea baino!
Lagun bati bidali
Komentarioa gehitu
