Valencia, Venezuela. Venezuelan euskaldunen ondorengo jaiotako Alejo Zuloaga Eguzquiza Caraboboko Unibertsitateko lehenengo errektorearen (1892-1900) omenezko oroitarri eta plaka desestali zuten joan den asteazkenean unibertsitate horretako Errektoretzan, egungo errektore Jessy Divo de Romero eta Eusko Etxeko lehendakari Illargi Izcanga buru izan zituen ekitaldi batean. Eurekin batera, unibertsitateko buruzagiak, dekano, zuzendari eta sindikatuen ordezkariak eta baita Venezuelako Euskal Etxeen Federazioko eta euskal etxe eta komunitateko ordezkariak ere.
Ekitaldia, Venezuelako euskaldunek daramaten "Venezuelako euskaldunen ibilbideak" (Rutas de los Baskos en Venezuela) egitasmoaren baitan kokatzen da, euskaldunek eta euren ondorengoek herrialdean utzitako arrasto eta ekarpenak gogora ekartzea helburu.
Lagun bati bidali
Komentarioa gehitu
