Merced, AEB. Eguberriaren karietara, agiantza edo desio onenak hedatu eta helarazi ditu Kaliforniatik Estatu Batuetako euskaldunen kapelau edo omonier den aita Antton Egiguren bidaniarrak. Igandero eta urteko data nagusiro bezala, bihar Eguberria ere meza elebiduna emango du euskaraz eta ingelesez Facebookez Kaliforniako Merced-eko Our Lady of Mercy parrokiatik. Kaliforniako goizeko 8:15ak inguru da bere ohiko sarrera eta euskal komunitatean gertatutako heriotz eta gertaerei buruzko aipuarekin, eta meza, berez, 8:30etan abiatuko da (Euskal Herrian 9 ordu gehiago, arratsaldeko 5:15 / 5:30ak direla).
-Eguberri mezako kantuak eta irakurgaiak jarraitzeko orria, hemen
-Abenduaren 27ko mezako kantu eta irakurgaien orria, hemen
Aita Anttonek egunero errezatzen du errosarioa online euskaraz, eta hori guztia ere Artzai Ona AEBetako euskal elkarte katolikoaren Facebooketik segi daiteke.
Ahaztu gabe, abendu honetan plazaratu eta aurkeztu duela bere lehenengo alea Artzai Onaren Elkarri aldizkariak, Estatu Batuetako euskal komunitate fededunaren berri eskuratu nahi duenarentzat. Zurean doan errezibitu nahi baduzu, info@basquecatholic.org helbidera idatzita harpidetu zaitezke.
-Artzai Onak dohaintzak onartzen ditu, hemen
-Artzai Onaren wegbunea, hemen
-Mezak zein errosarioak jarraitzeko zuzenean edo, ondotik, bideoan, hemen
Lagun bati bidali
Komentarioa gehitu
