euskalkultura.eus

Donostia-San Sebastian.  EuskalKultura.com-en argazki lehiaketa honetara Euskal Diasporarekin zerikusia duten lanak har aurkez daitezke, nonahi ateratakoak. Argazki digitalak beharko dute izan, jpg formatuan; eta erreferentziazko bereizmena 1.800 x 1.200 pixelekoa izango da, nahiz eta besterik ere onartuko den. EuskalKultura.com-ek artxiboratu egin ditu parte hartzen duten argazkiak eta nahi duelarik argitaratu ahal izango ditu.

Nornahik parte hartu ahal izango du, nahi adina argazki bidaliz. Argazkiak originalak beharko dute izan. Ezinbestean, honako datuak bidali beharko ditu: egilearen izen-deiturak, helbidea, herria eta herrialdea, eta harremanetarako telefono zenbakia. Horrekin batera, ezinbestekoa izango da argazkiak islatzen duenari buruzko erreferentzia ematea, non atera den, noiz, nor edo zer agertzen duen edo argazkia atera zeneko testuingurua.

Lanak bidaltzeko epea abenduaren 10era arte luzatu da, Euskal Herrian gaueko 12ak direla. EuskalKultura.com-ek osatutako epaimahai batek erabakiko ditu sariak. Lanak euskalkultura01@gamil.com helbidera bidali beharko dira, izenburuan 'Argazki lehiaketarako' ipiniz. Sariei dagokienez, lehenengo hiru lanei Xamar-en 'Euskara jendea' liburuaren ale bana emango zaie, eta gainerako partaideen artean liburu beraren beste hiru ale zozketatuko dira.