euskal diaspora eta kultura
2016/10/28
Goi miniatura-sukaldaritzan espezializatutako sukaldariek abangoardiako pintxoen sukaldaritzaren hoberena eramango dute Ipar Ameriketako nazio honetara eta esperientzia-afariak eta ikastaro magistralak eskainiko dituzte. Basquetourrek, Euskadi Gastronomika produktu-klubaren bidez, lankidetzan dihardu Miniature-kin euskal gastronomia honelako ekintzen bidez zabaltzen. Bosr euskal dukaldariak Mexiko Hirian eta San Miguel de Allendeko jatetxetan zuzenduko zaizkio publiko mexikar espezializatuari.
2016/10/28
Bertako bi ekintza garrantzitsuren protagonista izan da Santa Fe probintzia argentinarreko Armstrong herriko Eusko Txokoa azken asteotan. Batetik, sukaldaritza standa eta euskal dantzak aurkeztu zituen Gizataldeen Azokan, jaiaren 25. edizioan, euskaldunen ordezkari. Bestetik, jatetxeak bere 20. urteurrena ospatu zuen; bi festetan Euskel Biotza Euskal Etxeko dantzariak arduratu ziren euskal dantzez.
2016/10/27
NABOren Astero berri buletinari esker jakin dugu Ipar Ameriketako Euskal Etxeen Federazioak Amazon Smile egitasmoarekin hitzartu duen lankidetzari buruz. Asterok aditzera eman duenez Amazon-ek "Smile" egitasmoaren webgunean eginiko erosketen %0.5a NABOri emango dio, erosleak euskal elkarteari laguntzea aukeratzen badu.
2016/10/27
Berlingo Euskal Etxeak gonbitea zabaldu zuen joan den larunbatean Berlingo Lichtblick Kino zinemako saiora joan eta "Hurrengo geltokia" dokumentala ikusteko. Ekitaldian egon ziren zuzendaria, Iban Zunzunegi, eta bi gidoilariak, Ion Diaz eta Oroitz Jauregi, Antton Altuna kamera, dokumentalean euren lekukotasuna emandako Legorretako zenbait herritarrekin batera. Baita Berlingo Etxeko lagunak, Leipzig-eko Euskara Irakurle Unai Lauzirika eta galderak eta iruzkinak egin zituen publiko interesatua.
2016/10/27
Eten labur bat egin dute Hiru Erreka Euskal Etxeko kideek euren eguneroko ekintzetan erakundearen urtemuga ospatzeko. Afaria arrakastatsua izan zen eta ehun bat lagun bildu zituen geroaren alde topa egiteko. Orain azarorako jarduera bereziak gogoan ari dira prestatzen tresarroyostarrak, tartean, Patxi Perezek hirian eskainiko duen tailerra, Euskal Aste Nazionalerako bidaia eta Cesar Arrondoren hitzaldi eta bisita.
2016/10/26
Lantzean behin Iparra.eus webgunea begiratzeko ohitura dugu, eta beti topatzen dugu bertan euskararen arloko aplikazio interesgarri berriren bat. Euskara ikasteko eta praktikatzeko, EGA azterketa prestatzeko, umeekin euskaraz jolasteko, Euskal Herrira datozen bisitariek euskaraz esaldi tipikoak ikasteko... aukera zabala da eta aplikazioak doakoak. Sartu eta eman begiratu bat!
2016/10/26
Gero eta gutxiago falta de 2016ko Euskal Aste Nazionala hasteko eta programako ekintza nagusiak baieztatuta badaude ere, hainbat xehetasun eta berritasun pixkanaka ari dira zabaltzen antolatzaileak. Azkeneko hauen artean, euskarari buruzko zenbait. "Mintzodromoa’, adibidez. "Necocheako 'Mintzodromo'an, aurrez aurre bertan, edo Skype bidez Donostiko sagardotegi batera hitzordu paralelo batean bildutako euskaldunekin hitz egin eta jolastu ahal izango dugu euskaraz", esan digute.
2016/10/25
Mota askotako produktuak diseinatzen eta saltzen dituzte Argentinako Pergaminotik Valentina Miguelena eta Eliana Dubarry euskal argentinarrek ‘Bi Gara’ euskal markarekin. Abarkak gordetzeko poltsak, kalimotxoa edateko edalontziak eta pitxer termikoak dira eskaintzen dituzten euskal oroigarrietako batzuk. Produktuak salgai daude Pergaminon eta Buenos Airesen, baina on line ere eska daitezke eta Argentina osora bidaltzen dira, baita urrutiagora, eurekin hala adosten bada.
2016/10/25
Hamaika Telebista kateko "Artekale" saioak Diasporari eskaini dio tartea hilabete honetan eta horretarako Diasporako hiru euskalduni eman zien hitza: Xabier Zubillaga, Alejo Conti eta Facun Aznarez-i. Hiruak argentinarrak eta hiruak euskal hiztunak. Argentinatik haratago Diaspora zabala badagoela aipatuz hasi ziren, eta gai honi buruzko hausnarketa interesgarria egin zuten. Jarraian, saioaren bideoa.
2016/10/24
Azaroaren 4ean hasiko da aurtengo "Euskal Herria Sona!", Bartzelonako Euskal Etxeak antolatzen duen euskal musika jaialdia. Aurten ere, egitarau oparo eta potoloa dakar jaialdiak, euskal musika talde ezagunenetako batzuekin: Zea Mays, Esne Beltza, Doctor Deseo... Musika estilo desberdinek lekua dute jaialdian, eta rock doinuekin batera Juan Mari Beltranen txalaparta, La Basuren hip-hop-a eta Kukai dantza taldearen emanaldiak ere izango dira entzungai/ikusgai. Gainera, kontzertuetako asko doan izango dira.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
