euskalkultura.eus

euskal diaspora eta kultura

Albisteak rss

Euskara lantzeak baditu aplikazioak: euskara ikasteko zure mugikorrerako gutizia elektronikoak

2017/05/11

Sakelako telefonoak eguneroko bizitzara iritsi direnetik, lagungarri diren tresnak gailu horietara egokitzea da erronka. Sarean dauden milioia aplikazioen artean, euskarak ere badu tokitxoa. Horietarik asko euskara ikasteko gutizia elektronikoak dira. Artikulua Garbiñe Ubedak sinatzen du Berria egunkarian.

Gehiago irakurri...


Eibarren da Utah-ko Unibertsitateko ballet dantzari espedizio bat astebeterako, euskal dantzak ikastera etorria

2017/05/10

Utah-ko dantza ikasleak Eibarko Portales Kultur Etxean klasean, Gari Otamendi irakasle (argazkia Dantzan.eus)

Joan den igandean heldu ziren Euskal Herrira, Eibarrera, Gipuzkoan, eta astebete emango dute, Euskal Herriko dantzak ikasten. Ez dira euskaldunak, eta ez dute berez loturarik Euskal Herriarekin, baina dantza eta balleta ikasten dute Utah-ko Salt Lake City hiriburuan. Aurretik ere, dantza talde bereko kideak etorri ziren, 2008an, eta argi daukate euskal dantzak ikastea interesgarria zaiela dantza gisa formakuntza hartzeko orduan. Artikulua, Kezka dantza talde eibartarrak sinatzen du Dantzan.eus webgunean.

Gehiago irakurri...


Gernikako Bonbardaketa: 80 urte eta biktimen omenezko ekitaldi mordoa euskal etxeetan (argazki galeria berria)

2017/05/10

Joan den larunbatetik Tres Arroyos hiriak badu bere Gernika

Esaldi ezaguna da komeni dela historia ezagutzea eta memoria bizia izatea, errepika ez dadin. Ideia horri atxikitzen zaizkio munduan zehar hainbat euskal etxe eta komunitate, urtero Gernikako Bonbardaketaren urteurren garaian, eta halaxe izan da aurten ere, baina indar eta oihartzun bereziz, sarraski haren 80. urteurrena iritsi delarik. Inoiz baino gehiago izan dira euskal etxeek han-hemenka antolatutako ekitaldiak, gertatutakoa salatuz eta Bakearen aldeko aldarria eginez.

Gehiago irakurri...


Jaurlaritzaren Diasporarako taldea Madrilen izan da, hiriko euskal lekuak bisitatuz eta bertako euskal elkarteekin bilduz

2017/05/09

Jaurlaritzako Kanpoan den Euskal Komunitatearentzako Zuzendaritzako taldea, duela hiru hilabete eskas bertako arduradun den Gorka Alvarez Aranburu buru, Madrilen izan da joan den asteburuan, euskaldunekin zerikusia daukaten bertako lekuetako batzuk bisitatzeko eta hiriko euskal elkarteetako ordezkariekin biltzeko. Bisita oso interesgarritzat jo dute. Madril eta bertako euskal bizitza bereziki ongi ezagutzen ditu Gorka Alvarezek, zortzi urtez bizi izan baitzen Madrilen, elkarte hauetako batzuetako kide izanez.

Gehiago irakurri...


Gastronomiari eskainitako Gaztemundu 2016ko partaide, General Achako Mauro Funesek Pintxo Tailer arrakastatsua eman du bere sorterrian

2017/05/09

Mauro Funes sukaldaria Euzko Txokoa Euskal Etxeko lagunekin

La Pampako Gral. Acha herrian jaioa, Cordoban bizi da Mauro Funes. Sukaldari gazteak bere sorterriko Euzko Txokoa Euskal Etxearen izenean hartu zuen parte iaz Gastronomiari eskainitako Gaztemundun. Cordoban sukaldaritza ari da ikasten Mauro, bertako Gastronomia Eskola batean. Bere formakuntza ibilbidean, baina, oso garrantzitsutzat jotzen du Euskal Herrian izandako esperientzia. Horen adierazgarri, Pintxo Tailerra eta ondoren dastaketa eskaini berri ditu bere jaioterriko euskal etxean.

Gehiago irakurri...


Federico Inchauspe da Las Floresko Euskal etxeko lehendakari berria; Sara Pagolaren bisita jaso dute

2017/05/09

Sara Pagola, erdian beltzez, Las Floresesko Euskal Etxeko buruzagiekin. Goiko iladako lehenengo gizasemea da Federico Inchauspe, Loretako Euskaldunek-eko lehendakari berria (argazkia Las Flores Digital)

Zuzendaritza Batzordea berritu du Las Flores-en, Loretako Euskaldunak euskal etxeak, eta Federico Inchauspe arkitektoa hautatu dute lehendakari berri. Bestetik, Buenos Airesko herri honek eta Loretako Euskaldunak-ek Euskadiren Argentina-Mercosurrerako ordezkari Sara Pagola ordezkariaren bisita jaso dute joan den astean.

Gehiago irakurri...


Programa zabala antolatu du Saltoko Euskaldunen Taldea EEak Pascual Harriague omendu eta bere ekarria ezagutarazteko

2017/05/08

Harriague Upeltegia, Ardo Finaren X. Aretoaren inaugurazioan

Mota askotako ekintzak egin ditu Uruguaiko Salto herriko euskal etxeak Pascual Harriague omentzeko: Gernikako Bonbardaketaren 80. urteurren zeremonia, Ardo Finaren X. Aretoaren inaugurazioa –Argentinako Ibaiko Izarra Euskal Etxeko dantzariak lagun– eta ‘Euskaldunak Hego Amerikako ardogintzan’ izenburuko hitzaldia. Euskal elkarte saltotarretik jakinarazi digute, gainera, dagozkion izapideak ari direla egiten, lur eremu bat eskuratu eta bertan ‘Gernika Gunea’ izeneko pasealekua sortzeko.

Gehiago irakurri...


Uxue Barkos-en mezua Argentinako Diasporari: "Beharrezkoa dugu lotura iraunkorra"

2017/05/08

Uxue Barkos, Nafarroako lehendakaria

Nafarroako Gobernuko lehendakariak euren ahalegina eta ekarpena errekonozitu die Nafarroa utzi behar izan zuten milaka eta milaka nafarrei, eskerrak emanez "gure kultura gure mugetatik haratago sustatzen" lagundu duten emigrante guztiei, urrun joan arren, abegikortasunez hartu zituen herrialdeari ekarria egin diotelako, baina "batere muzin egin gabe Nafarroarekiko partaidetza sentimentu sakonari". Adierazpenak "Geroa Bai-Argentina" webguneari eman dion elkarrizketa orokorrago baten barnean egin ditu.

Gehiago irakurri...


Juan Manuel Lopetegui hautatu du Bahia Blancako Union Vasca-ko Batzar Nagusiak elkarteko lehendakari berria

2017/05/08

Lehendakari berria, Juan Manuel Lopetegui, mikroa eskuetan Union Vascako Batzar Nagusian

Juan Manuel Lopetegui hautatu du joan den apirilaren 28an eginiko Batzar Nagusian Bahia Blancako Union Vasca-k elkarteko lehendakari berria. Bilkura berean, Zuzendaritza Batzordearen zati bat berritu zen eta iazko urtealdiko txostena eta 2016ko balantze ere onartu zuten euskal etxearen egoitzan bildutakoek. Kuotak igotzea ere deliberatu zuten, bazkide aktibo eta erantsienak 130 pesotan utziz, eta partaideenak 100 pesotan.

Gehiago irakurri...


Fresnoko festarekin bihar hasiko da Estatu Batuetan, 2017ko uda parteko euskal piknik eta jaialdien sasoia

2017/05/05

NABOk Buffalon egin zuen azken Biltzar Nagusi edo Convention Euskal Jaiko kabalkada irudiak (arg. EuskalKultura.com)

Beste urtebete, eta uda aldera hurbiltzen ari garela, hemen dugu beste behin euskal piknik eta jaialdien sasoia Estatu Batuetan, maiatzean hasi eta urrian bukatzeko. Tartean, AEBetako euskal etxe eta komunitate antolatuek euren piknik eta jaiak egingo dituzte, bertan finkatuta dagoen euskal-amerikar modu tradizionalean. Bihar Fresnon (Kalifornian) hasi eta urriaren 14an Rocklinen (Kalifornia baita ere) bukatu den programak, uztailaren 21-24an Wyoming-eko Buffalon ospatukoduen NABO Convention eta Festa izango du seguruenik hitzordu nabariena.

Gehiago irakurri...


© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia