euskal diaspora eta kultura
2017/03/20
Emozio handiko euskal jai trinkoa bizi izan du pasa den asteburuan Argentinako hiriburuak. Batetik, ‘Buenos Airesek EH ospagai’ jaialdiak berriro bildutako milaka lagunak, Mayo Etorbidean, dantza eta musika, sukaldaritza, genealogia, argitalpen eta stand instituzionalen bisitari. Bestetik, atzo, Laurak Baten 140. urteurren jaiko programaren amaiera: Aste osoko egitaraua, bazkari jendetsu batez bukatu zen, gonbidatu ugariz eta euskal eta argentinar agintariak lagun.
2017/03/20
Elkarte berria osatzeko ideia bertako Aguirre familiaren baitan sortu zen eta emanak ditu lehenengo urratsak. Irabazteko asmorik gabeko elkarte gisa onarpena lortzeko prozesua abiatu dute eta harremanetan hasiak dira dagoeneko NABO Ipar Ameriketako euskal etxeen federazioarekin eta Eusko Jaurlaritzarekin. Elkartearen sustatzaileak euren eskualdean daudela jotzen duten berrehun euskal familienganaino iritsi nahiko lukete.
2017/03/17
Bihar larunbata martxoaren 18an hiriburu argentinarrera "Buenos Airesek Euskal Herria ospagai" edo "Buenos Aires Celebra al País Vasco" izeneko egun osoko ekitaldira etortzeko asmoa dutenentzat, Laurak Euskal Etxeak ospakizunguneko mapa plazaratu du, Buenos Airesen bihotzean, Mayo Etorbidean trafikoari itxiko zaizkion kaleetan ipiniko diren oholtza, denda, saltoki eta gainerakoen berri emanez.
2017/03/17
Euskaltzaindiak aditzera eman duenez, Piarres Charritton euskaltzain emeritu eta euskaltzale gotor eta emankorra zena hil da. Hazparnen duela 95 urte jaioa, bere ibilbide luzean bizitua zen Euskal Herritik kanpo eta, besteak beste Pariseko Eskual Etxeko sortaileetarik zen.
2017/03/17
Bizkaiko Foru Aldundia Bizkaitik Massachusettsera bidali den misio bateko liderra izan da unibertsitateekin, zenbait enpresarekin eta Tecnalia zein IK4 zentro teknologikoekin batera. Sustatzaileentzako foroa den Venture Café ezagunean, informazio jardunaldi bat egin da, Bizkaia bera aurkeztu eta enpresa berritzaileen sorrerarako zein talentuaren erakarpenerako dituen politikak jakitera emateko
2017/03/17
‘Amama’ pelikula proiektatu zuen Carlos Gabilondok Eusko Aterpea euskal etxe argentinarrak antolatutako zine saioan. Ekitaldia erabat arrakastatsua izan zen eta 50etik gora lagunek hartu zuten parte zine saioan eta baita proiekzioaren ondoan lagunarteko segida legez antolatu zen afarian ere. Zikloak urtean zehar jarraituko du euskal eta argentinar filmak tartekatuz.
2017/03/16
EuskalKultura.com-ek txozna aktiboa izango du larunbatean "Buenos Airesek EH ospagai" (Buenos Aires Celebra al País Vasco) ekitaldian; Argentinako eta oro har Diaspora osoko irudiak erakutsiko ditu pantailetan, itsasgarriak banatuko ditu, CD, liburu eta Euskal Herriko produktuen zozketak egingo ditu ordubetero eta tablet bat ere zozketatuko du bisitarien artean. Bere lankide eta lagunek opari gisa emandako sari hauek lortzeko aski izango da argazki bat bertan atera eta sare sozialetara igotzea (tableta lortzeko) edo galdera erraz batzuk erantzutea. Egiguzu larunbatean bisita!
2017/03/16
Tres Arroyoseko Hiru Erreka Euskal Etxea eta bertako Udala elkarrekin ari dira lanean hiriko Euskal Plaza hobetzearren. Testuinguru horretan, materiala biltzeko kanpaina abitu du euskal elkarteak, zeramika gorri, berde eta zuriak bildu eta material horrekin berdeguneko bideak, muralak eta euskal apaingarriak eraikitzeko. Bilketa lanak apirilaren lehenengo asteraino luzatuko da.
2017/03/15
Valladolideko Gure Txoko Euskal Etxeko lagunek euren elkartea sortu zuteneko 34. urteurren bazkaria egina dute otsailaren 25ean. 34 urte dira elkartea sortu zutela, eta 24, berriz, egungo egoitza erosi zutela. Ez zen umore ona eta bozkarioa falta izan, ezta kantuak ere, kasu honetan Euskal Herrikoak zein bertakoak, kantu emanaldia eskaini baitzuten Enrique Castro, Nati eta Luis Marianok (ahotsetan) eta Joseba Aramayok (perkusioan). Euskal Etxeak abiatua du aurtengo mus txapelketa eta sagardotegi txangoa iragarri du EHra apirilaren 1-2an.
2017/03/15
‘Negozioen garapena. Mondragon Korporazioko kudeaketaren lerroak’ izeneko ikastaroa Entre Riosko Unibertsitate Nazionalak antolatutako Nazioarteko Asteko parte izango da martxoaren 27tik 31ra, Paranako Ekonomia Fakultateko egoitzan. Antolatzaileek gonbidaturik, bertako Urrundik Euskal Etxea ere ekitaldiko parte izango da eta Urrundikeko dantzariek ikuskizuna eskainiko dute gonbidatu euskaldunak ohoratu eta jardunaldiei amaiera emateko.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
