euskal diaspora eta kultura
2018/09/05
Bira berria hasiko du Ameriketara Joseba Gotzon kantari portugaletetarrak. Rio de Janeiroko IMF estudioetan grabaturiko 'Desiraren Kaia' disko eta bideoa besapean, Mexiko (lehenengo aldiz) eta Argentina dira oraingoan bisitatuko dituen herrialdeak, joan den uztailean Kuban zenbait emanaldi eskaini ondoren, iaz Habanako Euskal Etxearen 140. urteurrena bete zela-eta. Ameriketarako hamargarren ...
2018/09/04
Ander Zudaire, Nora Urtasun eta Alicia Urtasun iruindarrak dantzariak eta dantza irakasleak dira. Hirukoteak otsailean ezagutu zuen Argentinako nafar gizataldea eta hain esperientzia ona izan zuten non orain Hego Amerikara berriro etortzea erabaki baitute, dantza eta euskara klaseak eta euskal kulturari buruzko hitzaldiak eskaintzera. Bidaiaren ibilbidea zehaztuta egon arren –Argentina eta Uruguaiko hamar bat euskal eta nafar etxe bisitatuko dituzte lau hilabetetan– egonaldia luzatzeko aukera ez dute baztertzen, erakunde gehiagoren gonbitea jasoz gero.
2018/09/04
“Mila tanta behar ditugu olatu erraldoi bat osatzeko” diote Viña del Mar- Valparaisoko Eusko Etxe txiletarreko lagunek jendea kanpainan parte hartzera animatzeko. Izan ere, gaztejendeak osatutako zuzendaritza talde berria dauka elkarteak eta aurreko urteetan sorturiko zor handiak topatu ditu, ibilera normala baldintzatzen diotenak, eta zor horiek kitatzea ezarri du lehentasun. Beste zenbait neurrirekin batera, euskal komunitate osoari laguntza deia luzatzea erabaki du. Diru laguntza Internetez egin ahal da, hiru pauso errazetan. "Denok eman behar dugu zerbait gutxi batzuk dena eman behar ez dezaten" dio esaerak, eta hondar ale bat jartzera animatzen zaituzte,
2018/09/04
Bukatu da errentatzea edo besteei eskatzea. Munduko Euskal Etxeek edozein elkarterentzat hain baliagarria den tramankulu hau eskuratzeko aukera daukate orain, EuskalKultura.com-ek Euskal Etxeei laguntzearren antolatu duen zozketa medio. Parte hartzea oso erraza da, eta sariak merezi du. Zozketak bi fase dauzka eta lehenengoan --datorren ostiralean bukatuko da-- euskal etxe interesatuek euren izena behar dute eman, gero bigarrenean hautatuak gertatu ahal izateko. Eman zure elkartearen izena, eta zorte on!
2018/09/03
Gaurtik aurrera eta irailaren 18ra arte Argentinako Kongresu Nazionaleko Liburutegiak bertan egiten diren VII. Euskal Kultura Jardunaldiei emango die aterpe, Euskal Herriko kultura tradizional eta garaikideko zenbait adierazpen dastaraziz bertaratzen direnei. Estreinatze ekitaldian Sara Pagola Euskadiren Argentina-Mercosurrerako ordezkariak hartuko du parte eta besteak beste Gernikako Arbola kantatuko du Kanky ...
2018/09/03
Irailaren 8an gure diasporaren eta diasporako euskaldunen lana, errealitatea eta izatea bera ospatu eta aldarrikatzeko bilduko gara Euskal Diasporaren Egunean. Munduko hainbat euskal etxetan izango dira elkarretaratzeak. Euskal Herrian, ekitaldi instituzionala Gasteizen izango da, Lehendakaritzan, Urkullu lehendakaria buru; eta Donostian, EuskalKultura.com-ek antolatutako ekitaldian bilduko gara. ...
2018/08/31
Irailaren 8an gure diasporaren eta diasporako euskaldunen lana, errealitatea eta izatea bera ospatu eta aldarrikatzeko bilduko gara Euskal Diasporaren Egunean. Munduko hainbat euskal etxetan izango dira elkarretaratzeak. Euskal Herrian, ekitaldi instituzionala Gasteizen izango da; eta Donostian, EuskalKultura.com-ek antolatutako ekitaldian bilduko gara. Diaspora lokarri, egun goxoa pasatuko dugu Diasporako euskaldunok, eta Diasporako euskaldunen lagunok. Animatu eta zatoz eguna gurekin disfrutatzera!
2018/08/30
Lau egun baino ez dira geratzen datorren astelehenean, irailaren 3an, EuskalKultura.com-ek bere buletinaren ikasturte berriari ekiteko. Baina apur bat aurreratu nahi izan dugu iragarrita genizuen Euskal Diasporaren Eguna dela eta antolatu dugun ospakizunaren berri emateko. Diasporako kide eta diskideok helburu xinple batekin bilduko gara: elkar ezaguteko eta egun goxo bat pasatzeko Diasporaren inguruan. Donostian edo Euskal Herrian bazabiltza, zatoz gurekin partekatzera Euskal Diasporaren Eguna.
2018/08/16
2018ko Euskal Aste Nazionala arrazoi askorengatik izango da berezia. Batetik, bere 75. urteurrena ere ospatuko duelako festaren baitan Euskal Etxe antolatzailea den Mar del Platako Denak Bat-ek. Bestetik, aurtengo euskal argentinar jaialdi nagusia aukeratu duelako Iñigo Urkullu lehendakariak Argentinara egingo duen lehenengo bisita ofiziala gauzatzeko. Ikuskizunen arloan ere artista esanguratsuak etorriko dira Euskal Herritik bertakoekin batzera: dantzan, Hendaiako Akelarre taldea; musikan, Huntza talde bizkaitarra.
2018/08/14
Joan den astean egin dira ospakizun nagusiak eta kontent dira antolatzaileak. Ostegun honetan, hilabete amaieraraino segituko duen euskal baserriei buruzko erakusketa bat zabalduko dute Kultura Etxean. Vasconia Floridako kide den Jose Andres Arocenak EuskalKultura.com-i adierazi dionez, "larunbateko Paleta Txapelketa eta igandeko Esnezaleen elkarteko elkarretaratze eta bazkaria, primeran atera ziren". ...
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
