euskal diaspora eta kultura
2008/11/28
Ezohiko ikuskizun batez gozatu hal izango dute gaur gauean Bahia Blancako (Argentina) biztanleek. Rosana Entizne eta Miguel Mendiondoren gidaritzapean, Unión Vasca Euskal Etxeko talde guztiek --tartean dantza taldeak, abesbatzak, euskara ikasleek eta beste hainbat kidek-- ‘Pudente’ lehen euskal opera taularatuko dute bertako Udal Antzokian. “Hasieran umorezko bertsio bat egitea pentsatu genuen --kontatu dio Rosana Entizne Union Vascako euskara irakasle eta ekimeneko arduradun den Euskalkultura.com-i--, baina Euskal Etxeko antzerki irakasle den Miguel Mendiondori izugarri gustatu zitzaion istorioa eta bere horretan gauzatzeari ekin genion. Oraingoz, behin bakarrik antzeztuko dugu, Bahía Blancan, baina izugarri gustatuko litzaiguke beste herri batzuetara eramatea”.
2008/11/28
2010ean Hego Amerikako Andeetako herrialdeen independentziaren bigarren mendeurrena beteko da. Boliviak, Kolonbiak, Ekuadorrek, Peruk, Venezuelak eta Panamak burujabetza lortu zuten, euskaldunen ondorengoa zen Simon Bolivarrek gidatuta. Gertaera historiko hura gogoratu eta behar bezala ospatzeko, Kolonbia eta Venezuelako euskal komunitateek indarrak bildu eta Simon Bolivarren omenezko hainbat ekitaldi baitaratuko dituen programa prestatzeari ekin diote, 2010eko uztailean gauzatzeko.
2008/11/27
Gure webgunera sarri heltzen dira euren jatorriaren bila dabiltzanen mezuak, abizen euskalduna duten ela ez galdetuz, edo emigrazioak bananduriko ahaideen arrastoa aurkitu nahian. Gaur egun teknologia berriek eta internetek bilaketa horretan aritzeko baliabide eta aukera asko eskaintzen ditu, eta irakurleen eskariari erantzunez artikulu honetan zerrenda batera bildu ditugu batzuk. Genealogiaren munduan sakontzen hasteko aukera zabala da: abizenen datu baseak, genealogia foro eta posta zerrendak, Diasporan sakabanatutako familien webguneak, zuhaitz genealogikoak egiteko softwarea eta askoz gehiago. Gure irakurleei lotura hauetan klik egin eta ikusmiran ibiltzeko gonbitea egiten diegu; nork daki, agian hemen emango dute jatorria aurkitzeko bidean lehen pausoa.
2008/11/27
"Gaur egun ziurtasunekin funtzionatzen dugu; ziurtasunetik sinesmenera goaz, fedearen dogmara eta urkoari hori inposatzera", adierazten du, beste hausnarketa batzuen artean, Miguel Sanchez-Ostiz idazleak (Iruñea, 1950), Diario de Noticias egunkariko Paula Echeverría kazetariak egin dion elkarrizketa honetan, bere azken lana den 'Cuaderno boliviano (Alberdania 2008) liburuaren karira. Jarraian gazteleraz eginiko elkarrizketa euskaratu eta laburbiltzen dugu.
2008/11/26
Urtea amaituz doa, eta Hego Amerikan, urtearekin batera, baita ikasturtea ere. La Platako Euskal Astetik bi aste pasata, elkartu dira berriz ere Argentinako euskaldunak, oraingoan umeei dagokien festan, FEVAk urtero antolatzen duen Ume Topaketan. Partaide, Arrecifes, Ayacucho, Buenos Aireseko Acción eta Laurak Bat, Cañuelas, Chacabuco, Chascomús, General Rodríguez, La Plata, Lomas de Zamora, Maipú, Mar del Plata, Rosario eta bertako --Sarandí eta Llavalloleko Euskal Echea Ikastetxeetako-- haurrak. Guztiek izan zuten jolastu, abestu, dantzatu eta kirola egiteko aukera azaroaren 15an, latunbatez, Llavallolgo Euskal Etxea-ko zelaietan.
2008/11/26
Beste urte batez, eta hamaikagarrena da hau jada, Montevideoko Haize Hegoa Euskal Etxeak neska-mutil talde zabala bildu zuen Euskal Usadioen lehiaketan parte hartzeko. Lehiaketa hau, arrakastatsua izateaz gain, esperientzia polita da gaztetxoentzat, bertan marrazten dituzten postalak gero Haize Hegoak Gabonak eta urte berria zoriontzeko erabiltzen dituenak direlako. Postal bakoitzak egilearen izena darama, eta Haize Hegoari esker mundu osoko euskal etxearen kolaboratzaileengan helduko dira, 2009 urterako gurari onez beteta.
2008/11/25
Rio Gallegoseko Hegoalde Argentinarra Euskal Etxeko hogei kidek osaturiko ordezkaritza bat Puerto San Julianen izan zen asteburuan, Patricia Tamayo gasteiztarrarekin batera. Tamayo irakaslea da eta Argentinako euskal etxeetan bira egiten ari da euskara eta musika lantegiak eskainiz. Asteburuan zehar San Julianeko euskaldunek kultur ekitaldi, mintzaldi, zine emanaldi eta beste hainbat jarduerakin gozatu ahal izan zuten.
2008/11/25
Urtebetetzea, berez, azaroaren 3an zen, baina Buenos Aireseko Nafar Etxeak bere 113. urteurrenaren jaia joan den 9an, igandez, ospatzea erabaki zuen. Etxeko kide eta lagunak hartu zuten parte goizetik hasi zen ospakizunean. Egunari ekiteko, Santa Amelia Parrokian meza, hildako bazkideen alde; ondoren, Nafar Etxearen egoitzara aldaturik, emanaldia eskaini zuten dantzari txiki eta helduek; eguerdiko ordu batean, bakarri ederra, eta zozketak, 'Nafar Etxearen Urtemuga Kopa' Mus Txapelketako sarien banaketarekin batera.
2008/11/25
Gaurtik hasi eta azaroaren 30a bitartean lau euskal ikuskizun izango dira ikusgai Mexiko hiriburuan, Arte Eszenikoen III. Erakustaldiaren barruan: 'Latidos' (Kukai-Logela taldearena), 'Hnuy Illa' (Kukai-Tanttaka); 'El florido pensil' antzezlana (Tanttaka) eta Kepa Junkeraren azken musika ikuskizuna. Euskal enbaxada hau Euskal Plataforma Eszenikoa deritzon ekimenarekin dator Mexikora eta euskal arte industriarentzat merkatu berriak irekitzea du helburu. Eusko Jaurlaritzaren Mexikoko Ordezkaritzak sarrera kopuru mugatu bat ipini du eskuragai debalde, bertaratzeko interesa daukatenentzat.
2008/11/24
Alemaniara lau eguneko bidaia egin ostean Arantxa Urretabizkaia eta Edorta Jimenez euskal idazleek hango irakurleek alemanieraz argitaraturiko 'Kuaderno gorria' eta 'Kilkerren hotsa' lanen irakurraldietan egin zieten harrera ona azpimarratu dute. Bi idazleak Alemanian lan hauek ezagutzera ematen dituzten bigarren aldia da, eta iaz bezala, bidaia honetik berriak etorriko direnaren itsaropena agertu duta. 'Iaz Frankfurtera egin genuen bidaiari esker, 'Kuaderno gorria' italierara itzultzeko aukera izan nuen', gogoratzen du Urretabizkaiak.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
