euskalkultura.eus

Azkenean hemen da Jaialdi, bere 2015eko edizioan, zazpigarrena 1987an lehenengoa egin zenetik. EuskalKultura.com-ek uztailaren 27tik abuztuaren 2ra bitartean Boisen antolatu diren programa eta proposamenetan murgildu eta honako laburpena prestatu nahi izan du, bertaratzeko asmoa daukaten bere irakurleentzat, zein euren bizilekuetatik elkarretaratze handi hau jarraitu nahi dutenentzat.

Boise, Estatu Batuak. Jaialdiak, berez, datorren asteburuan, larunbat eta igandez ospatuko ditu bere egunik bizi eta trinkoenak, Expo Idaho azoketarako instalazioetan, Ostiralean, astebururako sarbide gisa, Festa'ra izeneko ikuskizuna eskainiko da Boiseko Morrin Center antzokian, BSU unibertsitatean. Ikuskizun horretan, Jaialdiko ekitaldietan parte harftuko duten norbanako eta taldeak arituko dira:  dantzari, kantari, bertsolari, musikari, abesbatz...

Egun bat lehenago, ostegun iluntze-gauean, arrakasta handia lortzen duen Sports Night edo kirol-gaua egiten da, Boise erdigunean, Euskal Herritik etorritako herri kirol diferentetako atleta eta kirolariak protagonista, gizon zein emakume. Eta gainerakoan, programa, berez Jaialdiko programa ofizialeko parte diren eta ez diren beste hainbat ekitaldi eta proposamenek osatuko dute, egun hauetan etengabe garatzen joango diren jarduerak.

Hona Jaialdiren inguruan aste honetan dastatzeko proposamenak:

• Jaialdiren webgune ofiziala
• Topaketa: Boiseko programa orokorra (ingelesez, euskaraz eta gaztelaniaz)
• Asteko ekitaldien kokapena Boiseko maparen gainean
• Jaialdiko foileto laburtua (inprimitzeko)
• Larunbat eta igandeko (Idaho Expo) mapa, orduak eta artisten emanaldiak
• 'Joan-Etorri' Euskal Ikasketen Simposiumeko programa
• Cenarrusa Fundazioak Boisen antolatutako bi goi-afari eta dastaketak
• Preservation Idaho: Tour-ak Boisen oinez, hiriko euskal historia azalduz, 
• Gure Esku Dago, Lehendakari Agirre Center: Ibarretxe hizlari Boisen
• Judas Arrieta euskal artistaren erakusketa Boisen Jaialdi garaian
• Euskal baleazaleen arrastoen atzetik: espedizioaren aurkezpena Boisen
• NABOren pilota txapelketetako finalak Basque Block-en Anduiza frontoiean
• Euskal laburmetraiak Boiseko 39 Rooms Film Festival-en programan
• Gayaldi, euskal gai elkarretaratzea Jaialdi garaian Boisen The Balcony Club-en
• Boiseko Euskal Museoak bira bereziak egingo ditu Jaialdi egunetan

Kepa Junkerak 28tik 29rako gauean Bilbotik Boisera Iberdrola dorretik kontzertua emango du (jarraitu zuzenean). Orduak, 19:00 Boise / 21:00 New York / 23:00 Buenos Aires / 3:00 Euskal Herrian:

Broadcast live streaming video on Ustream