euskalkultura.eus

Donostia-San Sebastian. Joan den asteburuan gertatu da eta geroztik sare sozialak bor-bor ibili dira, jende gehiena ezin sinetsirik Josh laguna, Joshua Rose Udalekuko laguna istripuz, auto batek harrapatuta hil dela ezin sinetsita.

[Joshua Rose, lehena eskuinetik, Udalekuko lagunekin eginiko argazki batean (argazkia Ezti Villanueva)]

"2008ko Udalekua Wyoming-eko Buffalon egin genuenok, ongi gogoratzen dugu Josh, orduan 12-13 urteko mutiko bat, ekitaldietan parte hartzen, lagunez inguratuta, mutiko gozoa baitzen; gauza bera geroago, Renon", adierazi digu Joseba Etxarri EuskalKultura.com-eko zuzendariak Joshua Roseri buruz galdetu diogunean.

Bere aldetik, Kate Caminok, Udaleku bat baino gehiagotan arduradun izan denak eta Buffaloko hartako zuzendari izan zenak ere bere hunkidura azaldu digu, oroiturik, gainera, Buffaloko Udalekuko talde-argazkian agertzen direnen artean, zoritxarrez bi partaide hil direla gazte-gazterik. Jaime Heguy Brown, 2012ko abenduan, Kaliforniako Los Banosen, tumore batek jota; eta orain, istripuz, Josh (Bidart) Rose.

Lerro hauetatik, EuskalKultura.com egiten dugun eta irakurle eta lagun garen guztion partez, gure doluminik zintzoena Carl, Andree Bidart Rose eta Elise Rose-ri, bere familia osoari eta lagun guztiei.

Viewing and services

On behalf of the Rose family, we have been asked to share the following:

Services for Joshua Rose will be Saturday, June 14, 2014 at 11:30 at the west hall of the convention center. Viewing will be Friday from 6-8. Please spread the word. 

We will forever be thankful for the outpouring of love and support we have received. We have been and continue to be so very blessed for our friends and family. We love each and every one of you.