Sunchales, Argentina. Bakoitzak bere eremuan kooperatibismoarekin daukaten harreman eta lotura bereziek elkartu zituzten bi hiriok eta senidetasun harremanean jarri, bat Gipuzkoan, Euskal Herrian, eta Argentinan bestea, Santa Fe probintzian. Joan den asteartean, otsailaren 26an, bete dira 12 urte harreman hori ofizialki sinatu zenetik Arrasaten, Sunchaleseko alkatea eta ordezkaritza zabal bat bertara bidaiaturik, aurretiik ere Arrasateko udal ordezkaritza bat eta kooperatiben munduko ordezkariak ere Sunchalesera bidaiatu ostean.
Udalerrien arteko senidetasun edo ahaidetze harremanak baliabide ederra suerta daitezke Euskal Herriko eta Diasporako harremanak sustatu eta indartzeko, izan ere harreman sustatu honek hiri edo herri horietako biztanleei lege-marko bat ematen baitie hirietako bakoitzak bestearentzat erakargarri eta ikasgai izan ditzakeen gai eta alorretan sakontzeko eta gai horietaz arduratzen diren gazte eta ez-gazteei aukera berriak emateko elkarren berri izan eta elkarrengandik ikasteko, bateko eta besteko herritarren bizimodu eta aurrerabidea sustatu eta lagunduz.
Lagun bati bidali
Komentarioa gehitu
