Igande honetan, abenduaren 8an, Kern County Basque Club euskal etxearen egoitzan, 10:00etan, Gabonetako Meza emango dute Stephen Frost monsinoreak eta Fred Ansolabehere diakonoak.
Ondoren, Eguberriari eta urteko azken sasoiari lotutako festa, barbakoa bazkaria, oilaskoa parrilan, gaztainak eta sagardoa. Erreserbatu mesedez abenduaren 5a baino lehen, Joey Iturririarekin harremanduz 393-3165 telefonoan. Helduen prezioa $ 25; ohorezko bazkideak eta 12 urtetik beherako haurrak, 20; bazkide ez direnak, 30; eta urtean zehar klikan, dantzari, pilotari eta abarretan ibili diren bazkide guztientzat doan.
A, ez ahantzi urtero bezala Santak elkarretaratzera agertuko dela iragarri duela.
Dantzariek saltoki bat jarriko dute euren jarduerei laguntzeko. Euskal postre edo pastel bat egin eta dohaintzan eman nahi baduzu, oso ongi etorria izango da.
Meza baino lehen bilera izango da, 9:00etan. Galderarik baduzu, jarri harremanetan Josette McCraryrekin. Zozketak egingo dira.
Lagun bati bidali
Komentarioa gehitu
