Martxoaren 13an, 19:30etan, Madrilgo Euskal Etxeko hitzaldi aretoan, Hasier Larretxearen azken liburuaren, "Idaztea gibelera zenbatzen ikastea da"ren aurkezpena, (Alberdania argitaletxea, 2024). Aurkezpena egileak berak egingo du eta Angel Erro euskal idazlea, euskal letretan ibilbide luzekoa ere, bertan izango da.
"Autobiografia eta saiakera uztartzen dituen lan honetan, Larretxeak bere bizitzari, idazketari eta nortasunari buruzko hausnarketa sakona eskaintzen du. Liburua zatika antolatuta dago, egilearen gogoetak, oroitzapenak eta bizipenak uztartuz. Testuaren muinean hainbat gai nagusi aurki ditzakegu: nortasun propioaren bilaketa, haurtzaroko oroitzapenak, aitarekiko harreman konplexua, homosexualitatearekin lotutako esperientziak, eta idazketaren zentzuari berari buruzko gogoetak".
Lagun bati bidali
Komentarioa gehitu
